کم عمری میں ہی اپنی ذہانت و صلاحیت سے ایک دنیا کو اپنا اسیر بنانے والی ایما واٹسن اب تک اتنی زیادہ دولت کما چکی ہیں کہ اگر وہ اس جوانی میں ہی ریٹائربھی ہوجائے تو اس کی دولت ختم نہیں ہو سکتی۔ شاید یہی وجہ ہےکہ وہ کم اور منتخب فلموں میں کام کررہی ہیں۔ اس کی مثال مشہور فلم ’’لالا لینڈ ‘‘ ہےکیونکہ آسکر ایوارڈ کی 14نامزدگیاں حاصل کرنے والی اس فلم کی ہیروئن کیلئے پہلے اداکارہ ایما واٹسن کوکاسٹ کرنا تھا تاہم ان کے نخروں کی وجہ سے فلمساز نے ان کی جگہ اداکارہ ایما اسٹون کو کاسٹ کر لیا۔ ایما واٹسن کو 4ملین ڈالر معاوضہ بھی آفر کیاگیا تھا، تاہم ایما نے 6ملین ڈالر معاوضہ لینے کے ساتھ متعدد ایسی شرائط رکھیں، جنہیں فلمساز و ہدایتکار کیلئے پورا کرنا ممکن نہ تھا ،ان شرائط میں فلم کی ریہرسلزلندن میں کرنا بھی شامل تھا۔