Pak Updates - پاک اپڈیٹس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

ورلڈکپ سے پہلے قومی کرکٹرز نے ٹریننگ کاآغاز کردیا

لاہور: 

ورلڈکپ اور پاکستان کپ کے لیے قومی کرکٹرز نے فٹنس پر توجہ مرکوز کرلی ہے اور ٹریننگ کاآغاز کردیا ہے۔

ورلڈکپ اور پاکستان کپ سے پہلے قومی کرکٹرز نے فٹنس پر توجہ مرکوز کرلی ہے۔ بابر اعظم، شاہین آفریدی، سلمان بٹ، سہیل تنویر، وہاب ریاض، عدنان اکمل  نیشنل کرکٹ اکیڈمی میں بھرپور ٹریننگ کرنے میں مصروف ہیں تاکہ اپنی فٹنس میں مزید بہتری لاکر پرفارمنس میں بھی نکھار لاسکیں ، قومی ٹیم انتظامیہ نے 14 اپریل کو فٹنس ٹیسٹ لینے کا اعلان کررکھاہے جس میں پاکستان کپ کے پرفارمز کو بھی مدعو کیاجائے گا جب کہ کپتان سرفراز احمد بھی چند روز میں ٹریننگ شروع کردیں گے۔

دوسری جانب 2 اپریل سے کھیلے جارہے  پاکستان ون ڈے کپ کے ذریعے فاسٹ بولر وہاب ریاض کے پاس بھی ورلڈکپ کے فٹنس ٹیسٹ سے پہلے  سلیکٹرزکی توجہ پانے کا بہترین موقع ہوگا، سلمان بٹ پی ایس ایل میں موقع ملنے کے باوجود اچھی پرفارمنس نہیں دے پائے۔ سہیل تنویر، عدنان اکمل کا بھی فی الحال ٹیم میں کم بیک کرنے کا فوری کوئی چانس نہیں، یہ سب کرکٹرز پاکستان کپ کے لیے تیاری کرنے میں مصروف ہیں۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More