پاک بھارت کشیدگی ،سرحدی صورتحال،آرمی چیف 4اپریل کو پارلیمنٹ کی دفاعی کمیٹی کو بریفنگ دینگے
راولپنڈی( وقائع نگار)پاک فوج کے سربراہ جنرل قمر جاوید باجوہ 4اپریل کوپارلیمنٹ کی دفاعی کمیٹیکو پاک بھارت کشیدگی اورسرحدی صورتحال پر بریفنگ دینگے، آرمی چیف کی دعوت پر امجد خان کی سربراہی میں قومی اسمبلی کی دفاعی کمیٹی 4 اپریل کو جی ایچ کیو کا دورہ کریگی، پاک فوج کے سربراہ دفاعی کمیٹی کو کنٹرول لائن، ورکنگ باؤنڈری اور انٹرنیشنل بارڈرز کی صورتحال پر بریفنگ دینگے،قومی اسمبلی کی 21 رکنی دفاعی کمیٹی میں تمام پارلیمانی جماعتوں کے اراکین شامل ہونگے ۔