Pak Updates - پاک اپڈیٹس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

ڈبلیو کیپ نے انڈس واٹر کمیشن کیلئے آلات کی تجویز پھر مسترد کردی

اسلام آباد (ذیشان جاوید) وزارت آبی وسائل کے زیر انتظام اور عالمی بینک کے مالی تعاون سے جاری ڈبلیو کیپ پراجیکٹ کے حکام نے پاک بھارت آبی تنازعات کے حل کیلئے معاونتی ادارے پاکستان انڈس واٹر کمیشن کی استعداد کار بڑھانے ، پانی کے بہاؤ اور حجم کو جانچنے کے حوالے سے جدید سائنسی ٹیکنالوجی پر استوار آلات کی فراہمی و استعمال کے حوالے سے ادارے کی تحریری تجویز کو ایک بار پھر مسترد کر دیا ہے جبکہ نیشنل انجینئرنگ سروسز پاکستان (نیسپاک) کے ایک کنسلٹنٹ کی تیار کردہ پروپوزل کو حتمی طور پر منظور کرنے کا فیصلہ کیا ہے ۔ اس بات کا انکشاف ایڈیشنل انڈس واٹر کمشنر شیراز جمیل میمن اور ڈبلیو-کیپ پراجیکٹ کے ٹیم لیڈر محمد اختر بھٹی اور پراجیکٹ کے مالی معاملات کے ماہر زاہد محمود کے درمیان ہونے والے حالیہ بند کمرہ اجلاس کے بعد اس وقت ہوا جب ڈبلیو-کیپ پراجیکٹ منصوبے کے مذکورہ افسران کی جانب سے موجودہ پراجیکٹ ڈائریکٹر کے بارے میں انڈس واٹر کمیشن پاکستان سے متعلق معاملات اختلافات کی نظر ہو گئے ۔ جدید سائنسی ٹیکنالوجی پر استوار آلات کی فراہمی و استعمال کے حوالے سے متعدد بار دلچسپی کا اظہار کیا جا چکا ہے لیکن وزارت آبی وسائل اور ڈبلیو کیپ منصوبے کے اعلیٰ حکام نے مبینہ طور پر ذاتی مفادات کو ترجیح دیتے ہوئے آج تک عالمی مالیاتی ادارے کی اس پیشکش پر موثر جواب دینے میں ناکام رہے ہیں۔ وزارت آبی وسائل کے ایک اعلیٰ افسر کی جانب سے اعلیٰ حکام کو مبینہ طور پر غلط رہنمائی کرنے کی وجہ سے یہ منصوبہ تاخیر کا شکار ہو گیا ۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More