اسلام آباد(سہیل خان ) جبکہ قائمہ کمیٹیوں کی تشکیل اور ان کے سربراہوں کا چنائو قومی اسمبلی کے پہلے اجلاس کے بعد 3ماہ کے اندر اندرکرنا قانونی تقاضا ہے ، حکومت نے 34 قائمہ کمیٹیوں میں سے3قائمہ کمیٹیوں مواصلات، توانائی اور شماریات ڈویژن کی تشکیل تو کردی مگر چیئرمین کا چنائو تاحال نہ کرسکی، ذرائع نے بتایا کہ اسمبلی سیکرٹریٹ نے حکو مت اور اپوزیشن جماعتوں سے ان قائمہ کمیٹیوں کی چیئرمین شپ کے مراحل کومکمل کرنے کے لئے متعدد باررابطہ کیا مگر کوئی جواب موصول نہیں ہوا، قواعد کے مطابق قائمہ کمیٹیوں کی تشکیل کے بعد متعلقہ کمیٹی کے چیئرمین کاچنائو باقاعدہ اسمبلی سیکرٹریٹ کا عملہ کرواتا ہے ۔