دوہری شہریت رکھنے والے بیوروکریٹس

اسلام آباد( جاوید صدیق ) ایک خفیہ معلومات اکٹھی کرنے والے ادارے نے رپورٹ دی ہے کہ پاکستان میں دوہری شہریت رکھنے والے بیوروکریٹس کی تعداد 22 ہزار 3 سو 80 تک پہنچ گئی ہے ۔ نوائے وقت کو ملنے والی اطلاع کے مطابق دوہری شہریت رکھنے والے بائیس ہزار تین سو اسی افسروں میں سے گیارہ سو کا تعلق پولیس گروپ سے ہے ۔ ادارے کی رپورٹ کیمطابق 540 افسروں کے پاس کینیڈا کی شہریت ہے ۔ 240 کے پاس برطانوی شہریت ہے 190 امریکی شہری ہیں سینکڑوں افسروں نے نیوزی لینڈ ، آسٹریلیا ، ملائیشیا اور آئر لینڈ کی شہر ت حاصل کرلی ہے ۔ نوائے وقت کو ملنے والی اطلاع کے مطابق دوہری شہریت رکھنے والے افسروں میں گریڈ اکیس کے چالیس ، گریڈ بیس کے نوے ، گریڈ انیس کے 160 ، گریڈ 18 کے 220 اور گریڈ 17 کے سولہ افسر اس وقت اہم سرکاری عہدوں پر براجمان ہیں۔ وزرات داخلہ دویژن میں 20 افسروں کی شہریت دوہری ہے ۔ ایوی ایشن ڈویژن میں 90 ایسے افسر ہیں جن کے پاس دوہری شہریت ہے ۔ وزارت خزانہ میں 64 افسروں ک ے پاس دوہری شہریت ہے ۔ پٹرولیم کے 96 ، کامرس کے 10، اطلاعات و نشریات ڈویژن میں 25 ،اسٹیبلشمنٹ ڈویژن میں 22 ، نیشنل فوڈ سیکورٹی ڈویژن میں سات ، کیپیٹل ایڈ منسٹریشن ڈویژن 11 ، مواصلات میں 16 افسران کے پاس دوہری شہریت ہے ۔ سب سے زیادہ دوہری شہریت رکھنے والے افسروں کی تعداد محکمہ تعلیم میں ہے ۔ محکمہ تعلیم کے 140 سے زیادہ افسروں کے پاس دوہری شہریت ہے ۔ پی آئی اے میں 80 سے زیادہ اہلکاروں کے پاس دوہری شہریت ہے ۔ سائنس و ٹیکنالوجی میں 60 ، زراعت میں 40 ، آب پاشی ڈویژن میں 20 افسروں کے پاس دوہری شہریت ہے ۔ واضح رہے کہ ایک صوبے کے چیف سیکرٹری کے پاس بھی دوہری شہریت ہے ۔ مذکورہ رپورٹ دوہری شہریت کیس میں سپریم کورٹ میں بھی پیش کی گئی تھی اتنی بڑی تعداد مین اعلی عہدوں پر فائز بیوروکریٹس جن کی شہریت دوہری ہے ۔ پاکستان اور اس کے مفادات سے وابستگی سوالیہ نشان ہے۔

بیوروکریٹس کی دوہری شہریت