انکم ٹیکس ادا کرنے والوں کی تعداد 12 لاکھ 76 ہزار

اسلام آباد( ایس ایم زمان) ملک میں انکم ٹیکس ادا کرنے والوں کی تعداد محض 12 لاکھ 76 ہزار ہے جس میں سے چھ لاکھ افراد سرکاری ونجی ملازمین ہیں ،صنعت کاروں اورتاجروں سمیت کاروباری افراد کی تعداد 6 لاکھ سے زائد ہے ملک میں پانچ لاکھ 57 ہزار افراد نے انکم ٹیکس گوشوارے جمع کرانے کے باجوود کوئی ٹیکس نہیں دیا ۔ ایف بی آر کے اعدادو شمار کے مطابق ملک بھر مین ٹیکس گوشوارے جمع کروانے والوں کی مجموعی تعداد 18 لاکھ 33 ہزار ہے ۔ 5 لاکھ 57 ہزار افراد نے کوئی ٹیکس نہیں دیا ۔ایف بی آر کے مطابق انکم ٹیکس ادائیگی کرنے والے 12 لاکھ 76 ہزار افراد مین سے چھ لاکھ نجی و سرکاری ملازمین ہیں جن کی تنخواہوں سے ٹیکس کٹوتی ہو رہی ہے ۔