راولپنڈی(قیصر شیرازی) ضلع راولپنڈی میں ایوننگ فیملی کورٹ (شام کی فیملی عدالت) کا تجربہ ناکام ہوگیا ہے جس کے باعث جوڈیشل کمپلیکس میں دوپہر 2 بجے سے شام سات بجے تک صرف فیملی مقدمات کی سماعت کے لئے بنائی جانے والی شام کی عدالت باقاعدہطورپر ختم کردی گئی ہے ۔ اب اس عدالت میں شام کا کوئی مقدمہ نہیں رہا جبکہ ایوننگ فیملی عدالت کے جج زاہد فرید اب معمول کے مطابق فیملی عدالت میں مقدمات کی سماعت کریں گے۔