اسلام آباد ( سید نوید جمال )وزیر اعظم عمران خان نے کہا ہے کہجب رضاباقر کو گورنر سٹیٹ بنک بنایا گیا تو ایم ڈی آئی ایم ایف نے انھیں ایک ملاقات میں کہا کہ رضا باقر بہت اہل، مخلص شخص اور اس عہدے کیلئے نہایت موزوں ہیں، یہ بات انہوں نے گزشتہ روز تحریک انصاف اور اتحادی جماعتوں کے ارکان پارلیمنٹ کو آئی ایم ایف پیکج اور اثاثہ جات سکیم پر بریفنگ کے دوران بتائی۔وزیراعظم نے بریفنگ میں گورنر سٹیٹ بینک ڈاکٹر رضا باقر اور چیئرمین ایف بی آر شبر زیدی کا تعارف شرکا سے کرایا اور ان پر اپنے اعتماد کا اظہار کرتے ہوئے کہا کہ وہ ملک کو معاشی بحران سے نکالنے کیلئے بہتر پالیسیاں اور اقدامات متعارف کرائیں گے ۔ایک سوال پر انہوں نے کہا وہ ڈالر کے بارے میں کچھ نہیں کہہ سکتے ، اس بارے میں تو اب سٹیٹ بینک ہی بتائے گا۔