راولپنڈی (ویب ڈیسک) آرمی چیف جنرل قمر جاوید باجوہ نے آرمی میڈیکل سنٹر ایبٹ آباد کا دورہ کیا اور لیفٹیننٹ جنرل خاور رحمن کو کرنل کمانڈنٹ کے بیجز لگائے۔ آرمی چیف نے یادگار شہداء پر بھی حاضری دی، پھول چڑھائے اور فاتحہ خوانی کی۔
آئی ایس پی آر کے مطابق آرمی چیف جنرل قمر جاوید باجوہ نے تقریب سے خطاب کرتے ہوئے کہا کہ دہشت گردی کے خلاف جنگ میں قیمتی جانیں بچانے میں آرمی میڈیکل کور کا کردار اہم ہے، پاک فوج کے ڈاکٹرز اور پیرا میڈیکل سٹاف جوانوں کیساتھ عام شہریوں کو بھی علاج کی معیاری سہولتیں فراہم کر رہا ہے۔