اسلام آباد(ویب ڈیسک) الیکشن کمیشن آف پاکستان مریم نواز کا مسلم لیگ (ن) کی نائب صدر رہنے یا نہ رہنے سے متعلق محفوظ کیا گیا فیصلہ آج سنائے گی۔
یہ دوسری مرتبہ ہے کہ الیکشن کمیشن نے پارٹی کی نائب صدارت رکھنے سے متعلق کیس میں فیصلہ محفوظ کیا، اس سے قبل یکم اگست کو یہ فیصلہ محفوظ کیا گیا تھا اور اسے 27 اگست کو سنانے کا کہا گیا تھا۔
تاہم ای سی پی نے غیرمعمولی اقدام اٹھاتے ہوئے اس فیصلے کو موخر کردیا اور دونوں فریقین کے وکلا سے کہا گیا کہ وہ اس میں مدد کریں کہ سپریم کورٹ کے حالیہ فیصلے کی روشنی میں آیا سزا یافتہ شخص کے سیاسی جماعت کےصدر کا عہدے رکھنے پر عائد پابندی کا اطلاق نائب صدر پر بھی ہوتا ہے یا نہیں۔