اسلام آباد: (ویب ڈیسک)وفاقی حکومت حالیہ زلزلے میں جاں بحق افراد کے لواحقین کو 5 لاکھ روپے فی کس دینے کا اعلان کیا ہے
مشیر اطلاعات فردوس عاشق اعوان نے سوشم میڈیا پر جاری اپنے بیان میں کہا ہے کہ زلزلے سے متاثرہ علاقوں میں انفراسٹرکچر کی بحالی کا تخمینہ لگا لیا، وفاقی حکومت جاں بحق لواحقین کو 5 لاکھ روپے فی کس دے گی۔
انہوں نے مزید کہا کہ جاں بحق افراد کے لواحقین کو مالی امداد کی فراہمی سے متاثرین کی بحالی میں مدد ملےگی، گھروں،مال مویشیوں کیلئے زر تلافی سے متاثرین کے نقصانات کا ازالہ ممکن ہوگا، متاثرہ علاقوں میں بچوں کی تعلیم کا سلسلہ جاری رکھنے کیلئے خصوصی اقدامات کیے جارہے ہیں، خواتین کی سہولیات کے بھی اقدامات کئے گئے ہیں۔