اسلام آباد (ویب ڈیسک) جے یو آئی ( ف) کے آزادی مارچ کے پیش نظر اسلام آباد پولیس کی چھٹیاں منسوخ کر دی گئی ہیں ، اہلکاروں کو صرف انتہائی ایمرجنسی کی صورت میں ہی چھٹی کر نے کی اجازت ہو گی۔
آئی جی اسلام آباد آئی جی اسلام آباد محمد عامر ذوالفقار خان نے جے یو آئی ف کے آزادی مارچ اور ممکنہ دھرنے کے پیش نظر اسلام آباد پولیس کی چھٹیاں منسوخ کر دی ہیں۔
اس حوالے سے جاری کیے گئے نوٹیفیکیشن میں کہا گیا ہے کہ چھٹیاں منسوخ کرنے کا فیصلہ امن و امان کی صورتحال برقرار رکھنے کے لیے کیا گیا ہے، اہلکاروں کو صرف انتہائی ایمرجنسی کی صورت میں ہی چھٹی کر نے کی اجازت ہو گی۔
ذرائع کا کہنا ہے کہ وفاقی پولیس نے ممکنہ احتجاج و دھرنے سے نمٹنے کے لئیے دوسرے صوبوں سے بیس ہزار پولیس کی نفری مانگ لی ہے۔