Pak Updates - پاک اپڈیٹس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

،ثالثی مشن: وزیر اعظم عمران خان کے دورہ ایران اور سعودی عرب کا شیڈول تیار

دوروں کے دوران وزیر اعظم سعودی ولی عہد اور ایرانی صدر سے اہم ملاقاتیں کریں گے

اسلام آباد(ویب ڈیسک) برادر اسلامی ممالک میں ثالثی کے لیے وزیر اعظم عمران خان کے دورہ ایران اور سعودی عرب کا شیڈول تیار کرلیا گیا۔ دوروں کے دوران وزیر اعظم سعودی ولی عہد اور ایرانی صدر سے اہم ملاقاتیں کریں گے۔

تفصیلات کے مطابق وزیر اعظم عمران خان کے دورہ ایران اور سعودی عرب کا شیڈول تیار کرلیا گیا۔ وزیر اعظم ایک روزہ دورے پر 15 اکتوبر منگل کو سعودی عرب جائیں گے۔

وزیر اعظم سعودی ولی عہد محمد بن سلمان سے ملاقات کریں گے۔ بعد ازاں وزیر اعظم عمران خان اتوار کو ایران بھی جائیں گے لہٰذا وزیر اعظم سعودی قیادت کو دورہ ایران پر اعتماد میں لیں گے۔

ذرائع کا کہنا ہے کہ وزیر اعظم ایران سعودیہ تعلقات میں کشیدگی کم کروانے کے لیے کوشاں ہیں، وزیر اعظم دورہ ایران میں ایران کے صدر سے بھی ملاقات کریں گے۔

وزیر اعظم کے دورہ سعودی عرب کے پیش نظر وفاقی کابینہ اجلاس کی تاریخ بھی دورہ سعودی عرب کے باعث تبدیل کردی گئی، وفاقی کابینہ کا اجلاس اب پیر کے روز ہوگا۔

خیال رہے کہ پاکستان، سعودی عرب اور ایران کشیدگی میں ثالثی کا کردار ادا کررہا ہے، سعودی ولی عہد شہزادہ محمد بن سلمان نے وزیر اعظم سے ثالثی کے لیے کہا تھا جبکہ پاکستان ماضی میں بھی سعودی، ایران تناؤ ختم کرنے کے لیے کئی بار کوششیں کر چکا ہے۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More