برسلز(ویب ڈیسک) یورپین کونسل نے برطانیہ کی یورپ سے علیحدگی کی توثیق کردی۔ یہ توثیق علیحدگی کے آرٹیکل 50 کے تحت برسلز میں بلائے گئے یورپین کونسل کے خصوصی اجلاس میں کی گئی۔اب برطانیہ یکم نومبر 2019 سے یورپ کا رکن نہیں رہے گا۔
یورپین کمیشن کے سربراہ جاں کلاڈ جنکر ، کونسل کے صدر ڈونلڈ ٹسک، آئرلینڈ کے وزیر اعظم لیو ورادکر اور یورپ کی جانب سے بریگزیٹ کیلئے چیف مذاکرات کار مائیکل بیرنئے نے پریس کانفرنس میں افسوس کا اظہار کرتے ہوئے آئندہ بھی برطانیہ کیلئے یورپ میں شمولیت کیلئے دروازے کھلے رکھنے کا عندیہ دیا۔
یورپی کونسل نے ایک سیاسی اعلامئے کی بھی منظوری دی جس میں یورپی یونین اور برطانیہ جبکہ برطانیہ اور آئرلینڈ کے درمیان مستقبل کے تعلقات کیلئے بھی ایک فریم ورک وضع کیا گیا ہے۔