Pak Updates - پاک اپڈیٹس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

بنگلا دیشی فوج کی فائرنگ سے ایک بھارتی فوج اہلکار ہلاک، ایک زخمی

بھارتی ماہی گیروں کو آبی حدود کی خلاف ورزی کرنے پردونوں ملکوں کی افواج میں جھڑپ ہوئی

 نئی دلی: (ویب ڈیسک) مغربی بنگال کے سرحدی علاقے میں بنگلا دیشی فوج کی فائرنگ سے ایک بھارتی فوج اہلکار وجے سنگھ ہلاک اور ایک زخمی ہوگیا۔

بنگلا دیش اور بھارت کی بارڈر سیکیورٹی فورسز ایک دوسرے کے سامنے اُس وقت آگئیں جب 3 بھارتی ماہی گیروں کو آبی حدود کی خلاف ورزی کرنے پر بنگلادیشی فوج نے حراست میں لے لیا۔

گرفتار شدگان میں سے 2 ماہی گیر بنگلادیشی فوج کی حراست سے فرار ہونے میں کامیاب ہوگئے اور اپنے ساتھی کی بنگلادیشی فوج کی حراست سے بھارتی بارڈر سیکیورٹی فورس کو مطلع کیا۔

بھارتی بارڈر سیکیورٹی فورس کے 6 اہلکار کشتی کے ذریعے دریائے پدما میں بنگلا دیشی حدود میں داخل ہوئے تاکہ اپنے ماہی گیر کو بازیاب کرالیا جائے تاہم اس دوران گرما گرمی ہوگئی اور فائرنگ کا تبادلہ شروع ہوگیا۔

بنگلا دیشی بارڈر فورس نے اپنے بیان میں کہا کہ بھارتی فوج کے اہلکاروں نے بات چیت کرنے کے بجائے براہ راست فائرنگ کردی جس کے دفاع میں مجبوراً ہمیں بھی فائرنگ کرنا پڑی۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More