لاہور(ویب ڈیسک) جمعیت علمائے اسلام (ف) کے آزادی مارچ کے خلاف لاہور ہائیکورٹ میں دائر آئینی درخواست سماعت کے لیے مقرر کر دی گئی ہے۔
لاہور ہائیکورٹ میں جسٹس امیر بھٹی ایڈووکیٹ ندیم سرور کی مولانا فضل الرحمٰن کا مارچ روکنے سے متعلق دائر آئینی درخواست کی سماعت کریں گے ۔
درخواست میں موقف اختیار کیا گیا ہے کہ مولانا فضل الرحمٰن الیکشن ہارنے کے بعد اور مدرسہ اصلاحات سے بچنے کے لیے دھرنا دے رہے ہیں۔
ایڈووکیٹ ندیم سرور کا درخواست میں موقف ہے کہ حکومت کو آئین کے تحت 5 سال کی مدت پوری کیے بغیر ختم نہیں کیا جا سکتا ہے۔