لاہور: (ویب ڈیسک) مسلم لیگ(ن) کے رہنما اور نواز شریف کے داماد کیپٹن (ر) صفدر کو گرفتار کرلیا۔
کیپٹن (ر) صفدراسلام آباد سے لاہوراپنے سسر نواز شریف کی طبیعت کا پتہ کر نے جا رہے تھے کہ انہیں راستے میں ہی گرفتار کر لیا گیا ۔
ذرائع کا کہنا ہے کہ چند دن قبل نیب کورٹ میں مریم صفدر کی پیشی کے دوران انہوں نے ایک تقریر کی تھی جس پر ان کے خلاف شرانگیز تقریر کا مقدمہ درج کرلیا گیا تھا۔
مسلم لیگ کی رہنما مریم اورنگزیب نے کہا ہے کہ صفدر کو گرفتار کرنا حکومت کی چھوٹی ذہنیت کو ظاہر کرتا ہے انہیں نواز شریف کے حق میں آواز بلند کرنے پر گرفتار کیا گیا، اگر شر انگیز تقریر پر گرفتار کرنا ہے تو عمران خان کو گرفتار کیا جائے جن کی تقاریر کی ویڈیوز موجود ہیں۔