ڈیرہ اسماعیل خان: (ویب ڈیسک) ڈیرہ اسماعیل خان میں سی ٹی ڈی اوردہشتگردوں کے درمیان فائرنگ کے تبادلے میں ایک پولیس اہلکار شہید اور ایک زخمی ہوگیا جبکہ واقعے کے بعد دہشت گرد فرار ہونے میں کامیاب ہوگئے۔
اطلاعات کے مطابق ڈیرہ اسماعیل خان کے علاقے رمک میں سی ٹی ڈی پولیس نے سرچ آپریشن کیا، دہشت گردوں کی اطلاع پر سرچ آپریشن جاری تھا کہ اچانک ایک مکان سے فائرنگ شروع ہو گئی، فائرنگ کے نتیجے ایک پولیس اہلکار نوشا جان بحق جبکہ جانگیر زخمی ہوگیا۔
زخمی پولیس اہلکار کو فوری طور پر ڈسٹرکٹ ہیڈ کوارٹر ہسپتال ڈیرہ اسماعیل خان منتقل کر دیا گیا، آپریشن کے نتیجے میں اب تک 6 مشکوک افراد کو گرفتار کر کے بھاری مقدار میں اسلحہ برآمد کرلیا۔