لاہور(ویب ڈیسک) پاکستان کرکٹ بورڈ نے ٹی ٹین لیگ کے لیے کھلاڑیوں کا این او سی منسوخ کر دیا ہے جس کے بعد کم از کم 14 پاکستانی کھلاڑی اس لیگ میں شرکت نہیں کر سکیں گے۔
ترجمان پی سی بی کا کہنا ہے کہ کھلاڑیوں کا ورک لوڈ اور قائداعظم ٹرافی مں پلیئرز کی شرکت کو مدنظر رکھتے ہوئے این او سی منسوخ کردیے ہیں۔
ٹی 10 لیگ پندرہ نومبر سے ابوظہبی میں شروع ہونی ہے جد میں پاکستان کے 16 کرکٹرز کو شرکت کرنا تھی جس میں 14 کنٹریکٹ یافتہ کھلاڑی ہیں۔
پی سی بیکا موقف ہے کہ کھلاڑیوں کی فٹنس اور صحت کا جائزہ لینے کے لیے 13 سے 25 نومبر تک نیشنل کرکٹ اکیڈمی لاہور میں کیمپ ہو گا، جب کہ قائداعظم ٹرافی کے ساتویں اور دسویں راؤنڈ کے میچز 11 نومبر سے 5 دسمبر کے درمیان جاری رہیں گے۔