Pak Updates - پاک اپڈیٹس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

ملک کے چند مقامات پر آج بارش اور برفباری متوقع

بالائی خیبر پختونخوا کے پہاڑی علاقے، شمال مغربی بلوچستان، کشمیراور گلگت بلتستان میں مطلع ابر آلود رہنے کے ساتھ چند مقامات پر(آج) اتوارکو بارش اور برفباری متوقع

اسلام آباد(نیوزڈیسک) :  محکمہ موسمیات کے مطابق بالائی خیبر پختونخوا کے پہاڑی علاقے، شمال مغربی بلوچستان، کشمیراور گلگت بلتستان میں مطلع ابر آلود رہنے کے ساتھ چند مقامات پر(آج) اتوارکو بارش اور برفباری متوقع ہے۔وسطی وجنوبی پنجاب اور بالائی سند ھ کے چند میدانی علاقوں میں رات اور صبح کے وقت دھند پڑنے کا امکان ہے۔پنجاب کے اضلاع لیہ، جھنگ، فیصل آباد، ملتان، بہاولپور، بہاولنگر، ڈیرہ غازی خان اور راجن پور میں رات اور صبح کے وقت دھند پڑسکتی ہے تاہم دیگر اضلاع میں موسم شدید سرد اور خشک رہے گا۔ لاہور میں بڑھتی ہوئی سردی کی شدت میں کمی آئی ہے۔ صبح کے وقت شہر کا درجہ حرارت11ڈگری سینٹی گریڈ ریکارڈ کیا گیا جو زیادہ سے زیادہ 16ڈگری تک جانے کا امکان ہے ۔بالائی سندھ کے اضلاع سکھر، لاڑکانہ ، روہڑی، پڈعیدن اور جیکب آباد میں رات اور صبح کے وقت دھند پڑ سکتی ہے۔محکمہ موسمیات کے مطابق کراچی میں سائبیریا کی یخ بستہ ہوائیں تھمنے کا امکان ہے تاہم سردی کی شدت برقرار رہے گی۔ 6 جنوری سے سرد ہواں کا ایک نیا سلسلہ کراچی پہنچے گا جو 9 جنوری تک برقرار رہے گا۔خیبرپختونخوا کے بیشتر اضلاع میں موسم سرد اور خشک رہے گا۔ ایبٹ آباد، بٹگرام ، ہری پور، بشام ، مانسہرہ، بونیر، چترال، دیر، مالاکنڈ، شانگلہ اور سوات کے اضلاع میں بارش اور پہاڑوں پر برفباری ہو سکتی ہے۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More