حمزہ شہباز، سلمان رفیق کے پروڈکشن آرڈرز جاری

لاہور (نیوزڈیسک) : پنجاب اسمبلی کے اجلاس میں شرکت کے لیے مسلم لیگ (ن) کے نائب صدر، پنجاب اسمبلی میں اپوزیشن لیڈر اور مسلم لیگ(ن) کے نائب صدر حمزہ شہباز کے پروڈکشن آرڈر جاری کر دیئے ہیں۔ حمزہ شہباز کے ساتھ مسلم لیگ(ن )کے رہنما اور سابق وزیرِ ریلوے خواجہ سعد رفیق کے بھائی خواجہ سلمان رفیق کے پروڈکشن آرڈر بھی جاری ہوئے ہیں۔ اسپیکر پنجاب اسمبلی چوہدری پرویز الہی نے حمزہ شہباز شریف اور خواجہ سلمان رفیق کے پروڈکشن آرڈر جاری کیے۔پنجاب اسمبلی کا اجلاس پرسوں 23 جنوری کی دوپہر 3 بجے ہو گا جس میں اب حمزہ شہباز اور سلمان رفیق شرکت کریں گےـ اجلاس اپوزیشن کی درخواست پر بلایا گیا ہے ـ