پشاور(ویب ڈیسک)خیبرپختونخوا میں پولیو کے 2 نئے کیسز سامنے آگئے۔ پولیو کیس ضلع لکی مروت اور تورغر سے رپورٹ ہوئے۔
خیبر پختونخوا میں پولیو کے وائرس کے مزید کیسز سامنے آرہے ہیں۔ صوبے میں مزید 2 بچے پولیوکا شکار ہوگئے۔
ضلع لکی مروت میں اڑھائی سالہ بچی پولیو سے متاثر ہوئی جبکہ تورغرمیں دوسالہ بچہ پولیو کے باعث معذور ہوگیا۔ایمرجنسی آپریشن سینٹرکے مطابق متاثرہ بچوں کوحفاظتی قطرے نہیں پلائے گئے تھے ۔
ضلع بنوں سے اب تک سب سے زیادہ 22 ، شمالی وزیرستان 8 جبکہ تورغر سے 6 کیسز رپورٹ ہوئے۔ رواں سال خیبر پختونخوا میں اب تک پولیو کیسز کی تعداد 48 ہوگئی ہے۔