اسلام آباد: (ویب ڈیسک ) وفاقی وزیر مذہبی امور نور الحق قادری نے آزادی مارچ کے حوالے سے وزیر اعظم کی طرف سے ذمہ داری سونپنے کی تردید کر دی ہے
اپنے ایک ویڈیو پیغام میں نورالحق قادری نے کہا ہے کہ جے یو آئی (ف) کے امیر مولانا فضل الرحمن کے دھرنے اور آزادی مارچ کے حوالے سے وزیر اعظم نے کوئی ذمہ داری نہیں سونپی، ٹی وی چینلز پر چلنے والی خبروں میں کوئی صداقت نہیں۔
ان کا کہنا تھا کہ دھرنے اور آزادی مارچ کے حوالے سے مجھ سے منسوب خبریں بے بنیاد ہیں، اس حوالے سے پارٹی قیادت یا حکومت نے ابھی تک کوئی حتمی فیصلہ نہیں کیا، میں کراچی میں مختلف پروگراموں میں مصروف ہوں،مختلف ٹی وی چینلز پر یہ خبر چلتی رہی تاہم اب وہ اس خبر کی ویڈیو پیغام میں تردید کرتے ہیں۔