ماضی میں مولانا کا مشورہ نہ مان کر غلطی کی تھی،نواز شریف

چوہدری شوگر ملز کیس میں گرفتاری کے بعد لاہور کی نیب عدالت میں پیشی کے موقع پر میڈیا سے گفتگو کرتے ہوئے  نواز شریف نے کہا کہ الیکشن کے بعد مولانا فضل الرحمٰن نے اسمبلیوں سے استعفے دینے کا مشورہ دیا تھا جسے نہ ماننا غلطی تھی۔

انہوں نے کہا کہ انتخابات کے بعد مولانا فضل الرحمٰن نے احتجاج کرنے کا کہا جس کو رد کرنا ہماری غلطی تھی۔

سابق وزیراعظم نے کہا کہ نون لیگ دھرنے اور آزادی مارچ کی مکمل حمایت کرتی ہے، میں نے شہباز شریف کو ایک خط میں سب کچھ لکھ کر بھیج دیا ہے۔