اوٹاوہ(ویب ڈیسک) کینیڈا نے ترکی کو ہتھیاروں کی نئی فروخت روکنے کا اعلان کر دیا، جبکہ ترک صدر رجب طیب اردوان نے کہا ہے کہ شام میں جنگ بندی کا اعلان نہیں کر سکتے ، امریکی پابندیوں سے پریشان نہیں ہیں۔
شامی پناہ گزینوں کی محفوظ واپسی کو یقینی بنانے کے لیے ترک کی شام میں پیش قدمی جاری ہے، ترکی کا دعویٰ ہے کہ کردوں کی جانب سے پناہ گزینوں کی واپسی میں شدید رکاوٹیں تھیں جنہیں دور کرنے کے لیے اس نے فوجی کارروائی کی ہے۔
ترکی کے صدر طیب اردوان نے امریکا کی جنگ بندی کی پیشکش اور کارروائی روکنے کےلیے دباؤ مسترد کردیا اور کہا کہ ترکی کوامریکی پابندیوں سے کوئی پریشانی نہیں، نا ہی شمالی شہر ’من بیج‘ میں شامی افواج کی موجودگی اس کے لیے نقصان دہ ہے۔