اسلام آباد: (ویب ڈیسک)پاکستان مسلم لیگ ن نے تحریک انصاف کے خلاف پارٹی فنڈنگ کا نیا کیس دائر کرنے کا فیصلہ کیا ہے۔ ن لیگ نے الیکشن کمیشن سے تحریک انصاف کے 2013 سے 2018 تک کے اکاؤنٹس کی تفصیلات مانگ لیں۔
اکاؤنٹس کی تفصیلات کیلئے ن لیگی رہنما محسن شاہنواز رانجھا نے الیکشن کمیشن میں درخواست دائر کر دی ہے۔ محسن شاہنواز رانجھا نے کہا ہے کہ اکبر ایس بابر کے کیس میں فریق نہیں بنیں گے، تحریک انصاف کے خلاف الگ کیس دائر کریں گے، تحریک انصاف کے خلاف پہلا کیس 2013 تک کے اکاؤنٹس کا ہے۔ ن لیگ 2013 سے 2018 تک کے اکاؤنٹس کی چھان بین کا مطالبہ کرے گی۔